Жаңатас қаласы №16 Өрт сөндіру бөлімі жеке құрамымен жоспардан тыс «Еврохим» ЖШС алаңында оқу-жаттығу өткізді.
Өрт-тактикалық шеберліктерін шыңдау және жеке құрам арасындағы байланысты қамтамасыз ету мақсатында өткен жаттығуға 9 арнайы қызметтік автокөлік пен құтқару және алғашқы көмек көрсету қызметінің 59 маманы қатысты.
Оқу-жаттығу барысын бақылауға келген аудан әкімінің орынбасары Олжас Көкей шұғыл медициналық қызмет көрсету және төтенше жағдайлар бөлімінің жеке құрамының дайындығын пысықтап, жұмыстарына табыс тіледі.
Сценарийге сәйкес, өрт орын алған кәсіпорын қоймасына әуелі аудандық электр жүйесі қызметкерлері жетіп, нысанды доқ көзінен ажыратты. Сосын №16 ӨСБ-нен 1 дана АЦ-5-40 негізгі өрт сөндіргіш автокөлігі мен «ЕвроХим-Тыңайтқыш» ЖШС-нің әскерилендірілген тау-кен құтқару бекетінің жеке құрамы жұмылдырылды. Өрт ошағында қалған азамат құтқарылып, жәдел жәрдем қызметі алғашқы көмек көрсетті. Өрт шарпыған аумақ 40 минут ішінде толық өшірілді.
Жаттығу соңында қалалық өрт сөндіру бекетінің бастығы, азаматтық қорғау майоры Самат Исмаилов оқу-тактикасын ұйымдастыруға қолдау білдірген «ЕвроХим-Тыңайтқыш» ЖШС басшылығына алғысын
білдірді.
Нұрсұлтан Рахымбай,
Сарысу ауданы әкімдігінің баспасөз хатшысы
