Орман қорында көктемгі орман отырғызу жұмыстары және елді мекендердегі ағаш отырғызу жұмыстарының орындалуы және дала өрттерінің алдын алу бойынша қауіпсіздік шаралары және «Мамандандырылған «Сапсан» жедел қызметінің жұмысы туралы облыс әкімдігінде өңір басшысы Бердібек Сапарбаевтың төрағалығымен өткен жиында осы мәселе сөз болды.
Мамандандырылған «Сапсан» жедел қызметінің директоры Абай Кенжебектің айтуынша, заңбұзылушылыққа қатысты қозғалған іске нүкте қою кейде ұзаққа созылып кететін көрінеді. Мәселен осы жылы Сарысу ауданында қызыл кітапқа енген Қара құйрық атқан азамат ұсталып, оған мемлекетке келтірген залалы үшін 6 миллион теңге айыппұл салыныпты. Бірақ 5 айға созылған тергеу амалдары әлі де заңды шешемін таппай отыр екен. Талас ауданында қызыл кітапқа енген Бұлдырық атқаны үшін 1 азамат ұсталып қазіргі таңда тергеу амалдары әлі де жүріп жатқан көрінеді.
– Сарысу ауданында жабайы қабан атқан азамат ұсталып 729 мың теңге айыппұлы мен табиғатқа келтірген залалы анықталып, қазіргі таңда сот шешімімен өндірілу үстінде. Мойынқұм ауданына қарасты Ұланбел мемлекеттік орман қоры жерінен бір азамат 1.2 текшеметр сексеуіл ағашын заңсыз тасыған үшін оған әкімшілік хаттама толтырылып 14 585 теңге айыппұл өндірілді. Аталған ауданда мемлекеттік орман қоры жерінен 4 азаматқа сұңғыла тамыры үшін әкімшілік хаттама толтырылып, 31 503 теңге айыппұл мен келтірген зала өндірілуде. Т.Рысқұлов ауданы, «Көгершін» елді мекенінің маңайында Тау ешкісін атқан бір азамат ұсталып 729 250 теңге айыппұлы мен залалы анықталғанымен, қазіргі таңда іс тоқтатылып қысқартылды. Биыл Мойынқұм ауданында жабайы қабан атқан азамат ұсталып 729 250 теңге айыппұлы мен залалы анықталды. Сот шешімімен 38 892 теңге айыппұл салынып, 1 жыл 6 ай бас бостандығын шектеу жазасы тағайындалды және
100 сағат қоғамдық жұмыстарға жегілді. Байзақ ауданы Ақжар бекетінің маңында да 12 жабайы қоян атқан азамат ұсталып табиғатқа келтірген залалы 187 312 теңге құрап, ол сот шешімімен өндірілуде. Жамбыл облысы су айдындарында ҚР АШМ 2015 жылғы 24-ші шілдедегі №190 бұйрығын орындау мақсатында 26 азаматқа заңсыз балық аулағаны үшін әкімшілік хаттама толтырылды, 379 210 теңге айыппұл салынды. 2 азаматқа «Үмбет» ерекше қорғалатын табиғи аумақта заңсыз сүлік жинау барысында хаттама толтырылып, казіргі таңда іс-құжат сотқа жолданды.
Жалпы осы жылы 1- Қарақұрық, 2 — доңыз, 1- тау ешкісі жануарларына қасақылық жасалып отыр. Былтыр бір Қарақұйрық пен бұлдырық заңсыз ауланған еді. Бұл көрсеткіш қасақылықпен күресті әліде болса күшейтуді, үлкен еңбекті талап ететін дәлелдейді. Алдағы уақытта мемлекет сеніп тапсырған міндетті аброймен жалғыстырамыз. Бұл мекеме алдына қойған міндеттен бөлек азаматтық борышымыз деп есептейміз, – деді ол.
Аталған мекеме меншігіне жататын автокөліктер GPS-новигатор, автокөлік рациясы және тасымалы рациясы, түнде көру құралдары, бейнекамера, дүрбілермен және 12 инспектор қызметтік қарулармен қамтылған екен. Оның ішінде 6 инспекторға калибрі 7.62х39 мм «Сайга МК» автоматы және 6 инспекторға пистолет Байкал 442 қаруы беріліпті. 5 Уаз автокөлігі, мен 2 Нива автокөлігі, 1 моторлы қайық пен 2 мотоцикл бар. Осыны сөз еткен Абай Толетайұлы көбіне мекем инспекторлары далада жүретіндіктен, іші түнеуге, боранды күні ас ішуге қолайлы және 5-6 адам емін-еркін сиятын «КаМАЗ» автокөлігіне зәру екенін жеткізді. Өз кезегінде Бердібек Машбекұлы қолдан келгенінше аталған автөкөлікпен қамтамасыз ету жайын ойластыратынын жеткізді.
