Мал шаруашылығы дамып келеді

0 7

1 маусымда Т.Рысқұлов ауданында ірі қара саны 46 104-ке, қой 561 053-ке, ешкі 45 733-ке, жылқы 25 444-ке, шошқа 4474-ке, түйе 79-ға, құс 117 301-ге жетіпті. Төрт түліктен алынған өнім көлемі де жаман емес. Жыл басынан бері 2410,5 тонны ет, 7967,7 тонна сүт, 1575,5 мың дана жұмыртқа, өндіріліпті.

2013 жылдан бастап асыл тұқымды шаруашылықтар қайта тіркеуден өтіпті. Бүгінгі күнге ауданда мүйізді ірі қара малын өсірумен айналысатын 5 асыл тұқымды шаруашылық, қой ұстаумен 4 асыл тұқымды шаруашылық айналысып жатса, 1 асыл тұқымды шаруашылық жылқы ұстап отыр. 1 асыл тұқымды шаруашылық шошқа бағуда.

Аудан көлемінде 2650 өгізге арналған – 12 мал бордақылау алаңы, 780 қыл құйрықтыға арнлған 5, 3600 уақ малға шақталған 4, 30000 шошқаға арналған 1 мал бордақылау алаңы бар болса, жеке кәсіпкерлердің аулаларында 13 қарапайым үлгідегі мал сою алаңдары тұрақты жұмыс істеп тұр екен.

Бұрнағы жылы «Шалхар» шаруа қожалығы 1500 бұқаға арналған мал бордақылау алаңыныңна қайта жарақтау жұмыстары жүргізуді бастаған. Ол биыл іске қосылмақ. «АлРай» ШҚ-ы 1000 бұқаға лайықталған бордақылау кешенін алдағы жылы аяқтауды жоспарлап отырса керек. «Даулетбай» ШҚ-ы 1000 өгізді байлап, семіртетін, мал сойып, сақтап және тоңазытатын, мал терісін өңдейтін кешені құрылысын бастап, былтыр іске қосыпты. Ағымдағы жылы Құмарық ауылында «Жастар болашағы» шаруа қожалығы 100 сауын сиыр фермасын іске қосуды жоспарлап отырғанға ұқсайды.

Ауданда пилоттық үлгіде 2019 жылы «Құмарық-Тау» кооперативі құрылып, әділет басқармасына тіркеліп, әр түрлі ауыл шаруашылығы өнімдерін өндірумен айналысатын аула иелері мен шаруалар, кәсіпкерлер анықталынып, қаржы көлемі нақтыланыпты. Кооператив бүгінгі күнге жұмысын бастап, жалпы сомасы 89,9 миллион теңгеге 17 дана ауыл шаруашылығы техникалары мен әр түрлі қондырғыларды лизинг арқылы алынған көрінеді. Осы жылы аудандағы Абай және Көгершін ауыл округтерінде осы пилоттық жоба бойынша жұмыстарды жүргізу жоспарланып, тисті есептері облыстық ауыл шаруашылығы басқармасына өткізіліпті.

Ауданда ұсақ шаруаларды ірілендіру бағытында да жүйелі жұмыстар жүргізілуде. Аудандағы жер үлестері 50 гектардан аспайтын ұсақ шаруашылықтарды дамыту, мемлекеттен беріліп жатқан көмектер мен жеңілдіктерді пайдалануға мүмкіндіктерін арттыру, сол арқылы ауыл шаруашылығы өнімдерін өндіру көлемін арттыру мақсатында, Теренөзек ауылдық округіне қарасты 11 ұсақ шаруа қожалықтары «Таупа әулеті» ШҚ-на жер үлестерімен қосылып, агрохолдинг болып құрылған екен. Сондай-ақ,  «Әділ» ШҚ-на жер үлестерімен 14 ұсақ шаруаларды қосып, «ҚұланАгроХолдинг» АШК құрылыпты. Аудан тұрғындары мен ауыл шаруашылығы тауарын өндірушілер Үкіметтен берілетін көмектер мен жеңілдіктерді пайдалануда мүмкіндіктерді мүлт жібермеуде. Соның арқасында аудандағы асыраушы сала алға басып келеді.

Leave A Reply

Your email address will not be published.