Көптен күткен қуанышты жаңалық! Енді Аса мен Тараз арасында әр 15 минут сайын автобус қатынайды. Бұл бағытта бүгіннен бастап 14 қоғамдық көлік берілді.Автобустың жалпы сыйымдылығы 90 адам. Аса–Тараз бағыты бойынша жол ақысы электрондық жол жүру картасы арқылы 100 тг, ал қолма-қол төлесеңіз 130 тг. 18 жасқа дейінгі тұрғындарға 50% жеңілдік қарастырылған.Бүгін Аса ауылында Тараз қаласы мен Жамбыл ауданы арасындағы қоғамдық көлік қатынасын жақсартуға бағытталған жаңа бастаманың тұсауы кесілді. Іс-шараға Тараз қаласының әкімі Бақытжан Орынбеков, Жамбыл ауданының әкімі Ерлан Қыдыралыұлы, сала өкілдері және ауыл тұрғындары қатысты.