АҚШ-та жолаушы ұшып бара жатқан әуе кемесінің есігін ашпақ болды

0 61

Лос-Анджелес — Атланта рейсіндегі Delta Airlines жолаушысы ұшып бара жатқанда борттан түсіп қалмақ болған.

Оқиға куәгерлері ер адам алдымен зорайтылған дыбыс жүйесімен оғаш хабарландыру жасағанын, барлығына өз орнына отырып, оттегі маскаларын тағуға дайын болуды бұйырғанын айтты. Дәл сол кезде, жолаушылардың айтуынша, ер адам ұшақтың есігін ашуға тырысқан.

Ол апаттық шығу есігіне жақындап, оны ашу үшін тарта бастаған. Дегенмен экипаж бен саяхатшылар сасып қалмады. Олар жолаушыны сабырға шақыруға көмектесті. Ер адамды ұшақ шұғыл қонғанға дейін байлап, ұстап отырды. Ұшқыштар жарты жолда лайнерді Оклахома-Ситиге отырғызуға мәжбүр болды.

«Delta 1730 рейсінің экипажы мен жолаушыларына рақмет, олар тәртіпсіз жолаушыны ұстап отыруға көмектесті. Ұшақ жақсы қонды, жолаушы құқық қорғау органдарына тапсырылды. Біз клиенттерімізден ұшу кезіндегі кідірістер мен қолайсыздықтар үшін кешірім сұраймыз», — деді Delta өкілі.

Осыған ұқсас жағдай Үндістанда да болған. Әуе кемесімен алғаш рет ұшқан жолаушы салонның есігін дәретханамен шатастырып ашуға тырысқан.

tengrinews.kz

Leave A Reply

Your email address will not be published.