ӘМБЕБАП АВТОБУС 16 ЕЛДІМЕКЕНДЕ БОЛДЫ

0 76

«Саламатты Қазақстан» денсаулықты дамыту мемлекеттік бағдарламасын іске асыру мақсатында шалғайдағы ауыл тұрғындарының денсаулығын қамтамасыз етуге бағытталған жылжымалы кешен қалыптасқаны белгілі. Осы орайда, Т.Рысқұлов ауданына өткен жылы келген жылжымалы медициналық комплекс-автобус шалғай жерлердегі ауылдарға медициналық көмектің қолжетімдігін арттырып, ауыл тұрғындарын толғандырған сауалдарға жауап берді.


Ағымдағы жылдың ақпан-мамыр айларында ауданға қарасты 16 елді мекенде болып, 7260 адам тексерілуден өткізілді, 4600 адам скринингті тексеруден өткізіліп, 2984 адам диспансерлік бақылауға алынды.

Жылжымалы дәрігерлік қыз¬мет көрсететін әмбебап автобус бірнеше бағытта бойынша жұмыс жасайды. Атап айтқанда, жалпы қабылдау бөлі¬мінде адамдар денсаулықтарын дәрігерге тексертіп, гинекология және хирургия кабинеттерінде қажетті кеңес алуда. Сондай-ақ, УЗИ, рентген және лаборатория диагностикасы кабинеттерімен жабдықталған.
Автобус-емханалар сапалы медициналық көмекті шалғай ауылдардағы ағайын үшін қолжетімді әрі ыңғайлы. Мамандар осындай көліктермен алыстағы елді мекендерді аралап, ондағы жұртшылыққа қызмет көрсетуде.

Leave A Reply

Your email address will not be published.