Орал-Ақсай тасжолында болған жол апатынан полицей қайтыс болды.
Жол-көлік оқиғасы 9 маусымда сағат шамамен 19:45-те Орал-Ақсай тасжолының 25-шақырымында болған.
«Ваз-2110 автокөлігін тізгіндеген 1993 жылғы «Б» есімді жүргізуші көлігін басқара алмай, аударылған. Алған жарақатынан ауруханада 28 жастағы БҚО ПД патрульдік полиция батальоны қызметкері қаза болды», — деді БҚО ПД өкілдері.
Көлікте тағы екі адам болған. Олар зардап шекпегені хабарланды. Аталған дерек бойынша ҚР ҚК 345-бабы, 3-бөлігіне сәйкес соталды тергеу басталды, оның аясында тиісті сараптамалар тағайындалды.
«БҚО ПД басшылығы мен жеке құрамы қайтыс болған қызметкердің отбасы мен туыстарына қайғыларына ортақтасып көңіл айтады», — делінген хабарламада.
