Сарысу ауданында жылу беру науқаны басталды. «Жаңатас Су-Жылу» КММ мәліметінше, кеше сағат 00.00-де 97 көпқабатты үйдің 93-іне жылу берілді. Қалған үйлерге жылу беру мәселесі бүгін кешке дейін берілетін болады.
Ал, әлеуметтік 40 нысан түгелдей жылумен қамтамасыз етіліп, аудандық Мәдениет үйі мен Қазпоштаның жылу құбыры жөңделу үстінде.
Аудан әкімі Марат Сұлтанғалиев жылу қысымын алдын-ала тексеруден өткізіп, жағдайды тікелей бақылауға алды.
Жауапты мамандар жылу температурасы мен қысымы қалыпты жағдайда екендігін, аудан тұрғындары жылумен қамтылғанын жеткізді.
Сарысу ауданы әкімдігінің баспасөз қызметі
