Бүгін аудан әкімдігінің мәжіліс залында аудан әкімінің орынбасары Жанғозы Жаркеновтың төрағалығымен «Қазақстан республикасының жаңа конституциясын ілгерілету» атты актив отырысы өтті.
Кездесуге облыстық мәслихатының депутаты, зиялы қауым өкілдері, аудандық ардагерлер кеңесінің мүшелері, аудандық құқық қорғау органдарының өкілдері , аудандық Төтенше жағдайлар бөлімінің қызметкерлері, мекеме және бөлім басшылары мен қызметкерлері қатысты.
Күн тәртібіндегі мәселе бойынша «Қазақстан республикасының жаңа конституциясын ілгерілету бойынша аудан бойынша атқарылар жұмыстар туралы» тақырыбында аудан әкімінің орынбасары Жұмат Сақыпбеков баяндама жасады. Мұнан соң удандық сайлау комиссиясының төрағасы Дәулетберді Шортанбаев , аудандық билер кеңесінің төрағасы Жандарбек Қалмырза жаңа Конституциялық реформаның тиімділігі туралы кеңінен баяндады. Жиында жаңа конституцияны насихаттау тобының скиперлеріне «Қазақстан республикасының Конституциясы» кітабы тапсырылды.