ШҚО тұрғыны дүкеннен ұрлаған ақшаны үйінің ауласына көміп тастаған (фото)

0 46

Шығыс Қазақстан облысы Шемонаиха ауданының тұрғыны 400 мың теңге ұрлап, оны өз үйінің ауласына жасырып қойған. Полицейлер күдіктіні саусақ іздері арқылы қолға түсірген деп хабарлайды KAZ.NUR.KZ тілшісі өңірдегі полиция департаментінің баспасөз қызметіне сілтеме жасап.

Ведомствоның мәліметінше, 17 мамыр күні таңертең полицияға Шемонаиханың 60 жастағы тұрғыны шағымданған. Ол түнгі уақытта әлдекім дүкенінің кілтін алып, есікті бұзып кіріп, 390 400 теңге мен бейетіркеуішін ұрлап әкеткенін хабарлаған. Оқиға орнына шыққан криминалист саусақ іздерін тапқан. Содан кейін тәртіп сақшылары оны базадан тексере бастаған.

Бұрын осыған ұқсас қылмыс жасағаны үшін сотталған 18 жастағы жергілікті тұрғынның дактилоскопиялық картасымен сәйкес болған. Содан кейін тәртіп сақшылары оның жеке басын анықтап, күдіктіні қолға түсірген.

ТАҒЫ ДА ОҚЫҢЫЗДАР Нұр-Сұлтанда өз көлігін сатып, оны қайтадан ұрлап кеткен ер адам ұсталды Фото: ШҚО ПД баспасөз қызметі Анықталғандай, оған ақша жақында ғана сатып алған көлігі үшін қажет болыпты. Сол себепті жігіт дүкенге ұрлыққа түскен екен. Жас жігіт ойындағысын жүзеге асырған соң ақшаны үйінің ауласына көміп тастаған.

Өйткені, ол туыстарына ірі сомадағы ақшаны қайдан алғанын қалай түсіндірерін білмепті. Қазір аталған факті бойынша Қылмыстық кодекстің 188-бабымен (Ұрлық) қылмыстық іс қозғалды. Ер адам кінәсін толық мойындаған. Ұрланған ақшалар тәркіленді. Еске сала кетсек, бұған дейін елордада көлігін өзге біреуге сатып, оны жаңа иесінен қайтадан ұрлап кеткен ер адамның қылмысы әшкере болғанын хабарлаған едік.

nur.kz

Leave A Reply

Your email address will not be published.