Ойын-сауық тоқтамай тұр

Індеттің таралуына тосқауыл болуыдың бір амалы адамдардың бір жерде шоғырлануына жол бермеу. Осыны жалпы халық түсінгенімен ішінара жиын-той, сауық-сайран десе бас тартпайтын тұрғындар әлі де болса кездесіп қалуда. Мәселен Тараз қаласындағы кафе, мейрамхана секілді кейбір ойын-сауық нысандары жасырын жұмыс істеуін тоқтатар емес. Ал олардың мұндай заңсыздыққа жол беруін дер кезінде анықтап, шара қолданудың маңыздылығы айрықша. Өйткені жай сөзбен айтқанға, түсіндіру жұмыстарын жүргізгенге көнбеген кейбір адам заңға сай айыппұл салғанда ғана аяғын тартады. Себебі иелігіндегі нысанда жасырын сауық-сайран өткізіп, табыс тауып отырғандар айыппұл арқалағанда ғана аяғын тартады

Жақында Тараз қаласы бойынша құрылған мобильдік тоб шаһарда карантиндік талаптардың сақталуына көз жеткізу, адам көп шоғырланған нысандар болса анықтап, ас-жиын, той-томалақ өткізуді тоқтату мақсатында арнайы рейдке шықты. Бір әттеген-айы тойхана иелері әлі де сақтық шаралары мен карантиндік талаптарды сақтамай отыр. Тәртіпке бағынғысы келмеген мейрамхана, кафе иелері мобильдік топ құрамындағы құқық қорғау органы қызметкерлерімен жаға жыртысуға дейін барған. Мәселен бір мейрамхананың иесі елдің саулығын ойлаудың орнына, жиын-той өткізгенімен қоймай, есікті ашпауға тырысқан. Полиция қызметкерлеріне ғайбат сөз айтып, доқ көрсеткен. Арнайы жасақ шақыртылғаннан кейін барып, амалсыз есік ашқан. Мобилдік топ ішке енгенде жиналғандар алдынжағы ас-суын тастай сала, жан-жаққа қаша жөнелді.

Назарға іліккен нысанның бірі – орталықтағы «PixelCinema» кинотеатры. Был нысан алдында көліктердің қаптап тұруы арқылы күдікке ілінген. Көрермендер бір залға жиналыпты. Рейд барысында кинозалдағы 70 тен астам адам сыртқа шығарылды. Жаңа шыққан қаулыдан хабары жоқтығын алға тартқан қожайын айыппұлдың көптігін, бизнестің жағдайы мәз еместігін айтып, жеңілдік сұрады. Дегенмен заң баршаға ортақ болғандықтан, тиісті айыппұл салынды. Өз кезегінде аталған кинотеатрдың басқарушысы Қайрат Абитаев: Наразылығым бар. Бұлай істеуге болмайды ғой. Кинобизнес саласы қазір тоқырауда тұр. бізге жұмыс істеуге мүмкіндік беріңіздер немесе кинотеатрды түпкілікті жабайық», – деді ол.

Сағат 22.00- ден кейін мерейтой қыздырған нысанның бірі – «М фейшн» мейрамханасы. Бас аяғы 80 ге жуық қонақ жиналған екен мұнда. Тағы бір айта кетер жайт, «JQ мен « Сарыарқа» кафелерінің қожайынына АКТ толтырылып, құқық қорғау органдары алып кетті. Рейд жасалған нысандардың барлығында адам санының асып кетуі, уақытқа бағынбау деректері кездесті. Осылайша талапты бұзған барлық кәсіпкерлерге 700 мың теңгеге жуық айыппұл салынды. Арнайы топ өкілдері кәсіпкерлерге індетпен күресте сақтық шаралары мен карантиндік талаптарды сақтауға шақырды.