21 мамыр – Мәдениет және өнер қызметкерлері күніне орай Жамбыл облысының әкімі Ербол Қарашөкеевтің қатысуымен мәдениет саласы қызметкерлері мен ардагерлеріне арналған салтанатты шара өтті.
Кәсіби мерекеге арналған жиында өңір басшысы мәдениет пен өнердің дамуына үлес қосып жүрген бірқатар сала мамандарын марапаттады.Аталған шарада Талас ауданы әкімдігінің мәдениет және тілдерді дамыту бөлімінің басшысы Мұхтарұлы Нұржан «Мәдениет саласының үздігі» төсбелгісімен марапатталды.Ауданымыздың мәдениет саласының дамуына сүбелі үлес қосып, абыройлы еңбегімен ерекшеленіп жүрген Нұржан Мұхтарұлын мәртебелі марапатымен шын жүректен құттықтаймыз! Еңбегіне толағай табыс, шығармашылық шабыт және қызметіне толымды жетістіктер тілейміз!