Аталған норма бойынша 2 наурыздан бастап кәмелетке толмағандарға «бір терезе» қағидаты бойынша кешенді қызмет көрсетіледі. Бұл туралы Оқу-ағарту министрлігі хабарлады.
Атап айтқанда, психологиялық көмек, сот-медициналық сараптама және мамандардың қатысуымен сауалнама жүргізу қызметтері бір кабинетте көрсетіледі.
Сондай-ақ зорлық-зомбылыққа, қатыгездікке немесе буллингке ұшыраған не оның куәсі болған балаларды анықтау және оларға көмек көрсету тәртібі бекітілді.
