Тараз қаласында «Заң мен тәртіп» профилактикалық керуені ұйымдастырылды. Іс-шара барысында қала әкімінің орынбасары Ұлана Сламбекова сөз сөйлеп, мұндай кездесулердің қоғамдағы құқықтық мәдениетті қалыптастырудағы және алдын алу жұмыстарындағы маңызын атап өтті.
Сонымен қатар, Тараз қаласының прокуроры Нұржан Боранбаев, Полиция басқармасының бастығы Ардақ Мадимаров және құқық қорғау органдарының өкілдері жастар арасындағы құқық бұзушылықтың, сондай-ақ интернет алаяқтықтың алдын алу бағытында атқарылып жатқан жұмыстар туралы баяндады.
Кездесу аясында тұрғындарға заң талаптары, жеке қауіпсіздік және құқықтық жауапкершілік мәселелері бойынша түсіндіру жұмыстары жүргізілді.Тараз қаласы әкімдігі
