Ресей әскері Мариупольдегі «Азовсталь» зауытында жан-жақты қорғанысты ұстап тұрған украиндық қорғаушыларға қарсы фосфор немесе басқа да тұтандырғыш бомбаларды қолданды. Бұл туралы Telegram-да Мариуполь мэрінің кеңесшісі Петр Андрющенко жариялады, деп хабарлайды “Адырна” ұлттық порталы.
Оның айтуынша, басқыншылар украиндық қорғаушыларға аспаннан, теңізден және құрлықтан шабуыл жасап, кеше оларға қарсы алғаш рет тұтандырғыш бомбаларды, фосфорды қолданған.
Басқыншылардың өздері термит қабаттары бар 9M22S тұтандырғыш снарядтарын қолданғанын айтады, дейді Андрющенко. Оның айтуынша, жану температурасы Цельсий бойынша 2000 — 2500 градусқа жетеді. Мұны тоқтату мүмкін емес.
«Тозақ жерге түсті. Біздің қорғаушылардың төтеп беруі керемет. Бәріміз оларға қарыздармыз», — деп Мариупольдан түсірілген кадрларға қол қойды Андрющенко.
Украина әскері Азовстальда жан-жақты қорғанысын жалғастыруда. Зауыттан жүздеген бейбіт тұрғын эвакуацияланды.
Эвакуация кезінде басқыншылар тыныштық режимін бұзып, үш украиндық жауынгер қаза тапты. Қазір ауыр жараланған 60 әскери және медицина қызметкерін эвакуациялау бойынша келіссөздер жүріп жатыр.
