«Жамбыл облыстық көзі көрмейтін және әлсіз көретін азаматтар кітапханасы» КММ Тараз қалалық Сағадат Нұрмағамбетов атындағы №10 орта мектеппен бірлесе отырып, ақын Серік Томановтың 70 жылдығына арналған «Жыр әлемінің жарық жұлдызы» әдеби кеш ұйымдастырды. Сыршыл лирик, жалынды жыр иесі, өзіндік қолтаңбасы бар ақын, журналист Серік Томановтың жалғанда қысқа ғұмыр кешседе, жүрекке жететін өлеңдерімен оқырман есінде мәңгі қалатындығын насихаттап, бұл кеш – тек шығармашылықты дәріптеу ғана емес, адамдық пен достықты, отбасы құндылығын айшықтайтын рухани жүздесу екендігін көрсетті. Шараға өмірлік серігі — жан жары Бибігүл апамыз, артынан қалған мұрагері – ұлы Еркін, шығармашылық жолында бірге еңбек етіп, бір ортада қызмет атқарып, ой бөлісіп жүрген қадірлі әріптестері Сәрсенбек Бәкір, Мұстафа Машрапов ағаларымыз сынды өңіріміздің зиялы өкілдері шақыртылып түрлі естелітерімен бөлісті.
Кеш Серік Томановтың өмірлік оқиғасынан алынған сахыналық қойылыммен ашылды. Көрініс аясында «Толғақ», «Ақ парақпен сырласу», «Сағыныш дерті мең деген еді», «Ақын екем» деген өлеңдері мәнерлеп оқылды. Сонымен қатар уақыт пердесін сәлғана ысырып, естеліктер әлеміне бір сәтке сапар шегіп, сол сапарда оқырмандарымызға бүгінгі заманның ерекше көмекшісі – жасанды интеллект арқылы ақын Серік ағамыздың студенттік өмірдегі қызықты сәттерінен және қызмет жасап жүрген кезеңдерінен үзінділер ұсынылды. Және шынайы поэзия әлемінеде тоқталып, түрлі өлеңдері оқылып көрермен жадына жылылық ұялатты.
Ақынның сөзіне жазылған «Қызыл көйлек киген қыз», «Айдында жүзген аққуым менің», «Соғады сен деп жүрегім» әуезді әндерімен К.Әзірбаев атындағы Жамбыл облыстық филармониясының әншілері өз өнерлерін тарту етті.
Өмір жолына арналған бейнебаян мен бірге ақынның шығармаларынан тұратын «Жырым менің жүйрігім» кітап көрмесіде көпшілік назарына ұсынылды.
Шара соңында аққынның «Пәруана» кітабының нүктелі бедерлі Брайль қарпіндегі тұсаукесері өтіп, 1 данасы арнайы №2 «Болашақ» мектеп интернатының оқушыларына жолданды. Және ақынның жары өткен күндердің елесіндей болған естелік көріністерден кейін жүрегінде қордаланған әсерлі ойын тебірене жеткізіп, барша ұйымдастырушылар мен сахыналық көрініске қатысқан балаларға алғысын білдірді.
