Ағымдағы жылдың 20 сәуірінде Тараз қаласының 48 жастағы тұрғыны полицияға хабарласып, түнгі уақытта ауласынан құны 50 мың теңгеге шамалас автобөлшектердің ұрланғанын хабарлаған.
Аталған дерекке қатысты ҚР Қылмыстық кодексінің 188-бабы (Ұрлық) бойынша сотқа дейінгі тергеу амалдары бастаған жамбылдық тәртіп сақшылары жедел-іздестіру шаралары барысында Шымкент қаласының 32 жастағы тұрғынын қолға түсірді.
Тергеу барысында ұсталған азаматтың бұған дейін де облыс орталығындағы жекеменшік үйлердің бірінде құны 250 мың теңге тұратын велосипед ұрлағаны анықталды.
Ұсталған азамат кінәсін толық мойындап, уақытша ұстау изоляторына қамаққа алынды.
