Жас ақындардың басын қосқан батл

«23 сәуір – Ұлттық кітап күні» – Үкімет Қаулысымен Қазақстанда жаңа мереке бекітілді. Осы мереке аясында өңіріміздің жас ақындарымен және олардың шығармашылығымен танысу мақсатында «Жас қауырсын қалам иелері» атты поэтикалық батлды Жамбыл облыстық көзі көрмейтін және әлсіз көретін азаматтар кітапханасы өткізді. Ашық аспан астында өткен шараға Қазақстан журналистер одағының мүшесі, айтыскер ақын Есет Досалы және де зиялы қоғам өкілдері қатысты.
Поэтикалық батл Мұқағали Мақатаевтың «Есіңе мені алғайсың» әніне компазициялық қойылыммен басталды.
Батлға қатысқан өңіріміздің 18-25 жас аралығындағы жас ақындары «Өлең сөздің патшасы сөз сарасы», «Өлең деп өмір сүремін», «Сөз маржанын теремін», «Қиыннан қиыстырар» төрт кезеңінде өз бақтарын сынап,шапшаңдық танытып,тақырыпқа сай берілген сұрақтарға мүдірмей жауап беріп,өз өлеңдерін оқырмандарға тарту етті.
«Жас ақын», «Сөз шебері» және т.б. номинациялар бойынша үздік жас ақындар марапатталды.
Сонымен қатар кітапханамыздың белсенді оқырмандары Тайбағар Дарын Мұқағали Мақатаевтың «Отан», Сарсенов Қажымұхан Мұхтар Шахановтың «Отырар» поэмасын оқыды. Шара соңында көрермендерге көркем әдебиет жанрлары аясында ойындар ойнатылып, жанды дауыста әндер шырқалды.