Мемлекет басшысының қоршаған ортаны қорғау және экологияны дамыту туралы тапсырмасына сәйкес Жамбыл облысындағы орман алқаптарына 2021-2027 жылдары 143,031 млн. дана ағаш отырғызу жоспарланған.
Өңірде мемлекеттік орман қорының жалпы ауданы 4,4 млн. гектарды құрайды.
2021-2024 жылдары 49,9 мың гектар алқапқа 94,8 млн. дана ағаш егіліп, жоспар толық орындалды.
Биыл 8,9 мың гектар алқапқа 16,1 млн. дана көшет отырғызу көзделіп отыр. Бұл жұмыстарға 181,6 млн. теңге қаралды. Қажетті көшет қоры жеткілікті.
Жыл сайын 240 гектар уақытша тұқымбақтарда қажетті көшет өсіріледі.
Өткен жылы мемлекеттік орман қорындағы 67 мың гектар алқаптың топырағына зерттеу жүргізіліп, орман дақылдарын өсіруге 34,5 мың гектар жердің жарамды екені анықталды.
Соңғы 4 жылда орман шаруашылығы мекемелерінің материалдық-техникасын нығайту мақсатында 970,0 млн. теңге бөлінді. Бұл қаржыға ормандарды молықтыру, күзету мен қорғауға қажетті техникалар мен агрегаттар сатып алынды.
Қазіргі таңда 1,8 млрд. теңгеге 60 бірлік өрт сөндіру техникасын сатып алу бойынша жұмыстар жүргізілуде.
Орман шаруашылықтары елді мекендерді көгалдандыруды қамтамасыз ету үшін 763,8 мыңнан аса көшет өсіріп жатыр.
