Үндістанда Буксар қаласындағы Ганг өзенінен отызға жуық мәйіт табылды. Аймақ әкімшілігі мәйіттер көрші шататтан келуі мүмкін екенін айтты, — деп хабарлайды РИА Новости.
Алайда жергілікті тұрғындар Times of India басылымының тілшілеріне жағалау маңындағы елді мекендерде адамдар кремация мен жерлеу отыны қымбат болғанына байланысты мәйіттерді өзенге тастайтынын айтқан.
Билік өкілдері суды мәйіттен тазартуды бастаған. Кремация рәсімге сәйкес жүргізіледі, ал шығындарды шатат басшылығы көтереді.
Айта кетейік, Үндістан коронавирус жұқтыру жағдайлары бойынша әлемде екінші орында тұр. Елдегі COVID-19 жағдайларының жалпы саны 22,2 миллионнан асқан.
