Майтөбе ауылының тумасы, белгілі кәсіпкер Еркінбек Қуатбековты аудан жұртшылығы қайырымды істердің қасынан табыла білетін кеңпейіл азамат ретінде жақсы таниды. Өзі өсіп, қанаттанған ауылдағы игі жұмыстарға демеушілік қолдау танытып, әлеуметтік жағынан аз қамтылған отбасыларына қайырымдылық көмегін аяған емес. Жуырда бұқаралық спортты дамытумен қатар, жастарды салауатты өмір салтына тарту мақсатында ауылға жалпы құны 20 млн. теңге болатын стрит воркаут және спорт алаңшасын салып берді.
Жақсының ісі жастарға үлгі. Жуырда «Жомарт жүрек-2021» байқауының облыстық марапаттау рәсімінде жерлесіміз Еркінбек Қуатбеков «Туған өлке» аталымы бойынша марапатталды.
