Бүгін еліміз бойынша ағаш отырғызу күні аталып өтілуде. Аталмыш шара аясында ауданымызда жаппай тал отырғызу жұмыстары жүргізілді.
Қаламыздағы «Ақбұлақ» демалыс орнында өткен игі іске аудан әкімі Сәкен Мамытов бастаған зиялы қауым өкілдері, аудандық мәслихат депутаттары, аудандық ардагерлер кеңесінің мүшелері, этнос өкілдері, мекеме және бөлім қызметкерлері мен жастар қатысты. Демалыс орнына 300 түп тал отырғызылды.
Сонымен қатар, К.Байсейітова көшесінде орналасқан «Жасыл белдеу» алқабында 1500 түп тал егілді. Аталмыш шара барлық ауылдық округтерде жалғасын табуда. Жалпы аудан бойынша 4000 ағаш отырғызылып, қатысушылар табиғаттың түрленуіне үлес қосуда. Сондай-ақ, аудан әкімі Сәкен Үмбетұлының тапсырмасына сәйкес көктемгі тазалық жұмыстарының екі айлығы аясында сенбілік ұйымдастырылды. Тазалық жұмыстарына 800 — ден аса адам қатысты.