Ресейдегі мұнай базасына украиндық тікұшақтар соққы жасады

0 3 942

Ресейдегі Белгород қаласынтағы мұнай базасындағы өрт екі украиндық тікұшақтың әуе соққысынан басталған.

Бұл туралы өзінің Telegram-каналында Белгород облысының губернаторы Вячеслав Гладков хабарлады, деп жазды kaz.orda.kz.

«Мұнай базасындағы өрт Ресей аумағына төмен биіктікте кірген Украина қарулы күштерінің екі тікұшағының әуе соққысынан болды» деп жазды Гладков.

Аймақ басшысының айтуынша, оқиға салдарынан ешкім қаза тапқан жоқ, өртті сөндіруге қажетті барлық мүмкіндіктер бар. Қазір Төтенше жағдайлар министрлігі өртті тез арада оқшаулауға тырысуда.

 

Төтенше жағдайлар министрлігінің баспасөз қызметі РБК агенттігіне «Белгороднефтепродукт» АҚ мұнай базасындағы өрт туралы ақпарат Мәскеу уақытымен 5:51-де түскенін хабарлады. Оқиға орнына жеткен мамандар жанармай бөшкелерінің жанып жатқанын анықтады.

«Алдын ала мәлімет бойынша, екі адам (кәсіпорын қызметкерлері) зардап шекті. Өрттің 2-ші дәрежесі жарияланды. Жоюға 70-ке жуық адам мен 20 техника жұмылдырылған» делінген ТЖМ таратқан хабарламада.

Leave A Reply

Your email address will not be published.