«Әзіл әлемі» театрының әртісі «Esquire otyrys» ютуб-арнасында әйгілі күйші Құрманғазы Сағырбайұлының «по-черному» жүргенін айтты.
Бұл видеоны белгілі кәсіпкер, бизнес-тренер Ахметбек Нұрсила Facebook желісіндегі парақшасында бөлісіп, әзілкешті сынға алды, деп жазады Экспресс К.
«Esquire otyrys» ютуб-арнасында Қайрат Әділгерей Құрманғазының «разбойник» болғанын, «Исатай деген досымен» байларды тонаумен айналысқанын сөз етеді. Ал күй тарту әйгілі тұлғаның хоббиі ғана болған-мыс. Сондағы айтпағы — егер Құрманғазы туралы кино түсірілсе, тек күйшілігі көрсетілмеуі керек деген ой. Қазақша мен орысшаны араластыра сөйлеген қалжыңбасты Ахметбек Нұрсила сынап тастады.
Құрманғазы кім, Исатай кім және оларды «гоп-стопщик» деп, орысша-қазақша шатып отырған шегірке кім? Айналайын шегірткелер-ай, шырылдап жүре бермейсіңдер ме! Құрманғазы мен Исатайдың жағасына жармасқандарың қай сасқандарың?
