Оңтүстік Осетия Ресейге қосылатынын жариялады

0 628

Оңтүстік Осетия президенті Анатолий Бибилов жақын арада Ресей Федерациясына қосылу үшін қадам жасайтынын мәлімдеді. Анатолий Бибиловтың үндеуі «Единая Россия» партиясының Telegram-арнасында жарияланды, деп хабарлайды Bugin.kz порталы orda.kz сайтына сілтеме жасап.

«Ресеймен бірігу – біздің стратегиялық мақсатымыз деп есептеймін. Біздің жол. Халықтың ұмтылысы. Ал біз осы жолмен жүреміз. Жақын арада заңды түрде тиісті шаралар қабылдаймыз», – деді Бибилов.

Президенттің айтуынша, қазір Оңтүстік Осетия, Ресей және бүкіл әлем бетбұрысты кезеңді бастан кешуде.

«Орыс әлемі бүгінде өзіне берілгендердің, нацизмге қарсы шыққандардың, жалпы адамзаттық құндылықтарды және бүкіл халықаралық қауымдастық қабылдаған негізгі құқықтар мен нормаларды құрметтейтіндердің мүдделерін қорғайды», – деп түсіндірді ол.

Оңтүстік Осетия 1990 жылдардың басында тәуелсіздігін жариялады. 2008 жылдың тамызында Грузия республиканы күшпен бақылауға алуға тырысты. Содан кейін Ресейдің сол кездегі президенті Дмитрий Медведев Тбилисиді бейбітшілікке мәжбүрлеу операциясының басталғанын жариялады. 11 тамызға қарай Ресей әскерлері Грузия аумағына кірді. 12 тамызда тараптар бітім шарттарына келісті.

Ресей Оңтүстік Осетия мен Абхазияның тәуелсіздігін мойындады.

Leave A Reply

Your email address will not be published.