Сарысу ауданында Мәдениет және өнер қызметкерлерінің кәсіби мерекесіне арналған «Мәдениетім – мәртебем!» атты онлайн кеш өтті.
Аудандық мәдениет үйінің фойесінде «Талант» көркемсурет студиясының бейнелеу және қолөнер көрмесі және орталықтандырылған кітапхана жүйесінің кітап көрмесі қойылды.
Сахнада «Мәдениет менің өмірім» видео көрсетілді.
Сондай-ақ, «Кітапхана менің өмірім» видео слайды көрсетіліп жатқан сәтте кітапханашы 4 қыз шығып, мамандықтарына қатысты өлеңдерді нақышына келтіре оқыды.
Ізгіліктің шырақшысы болған, адамгершіліктің нұры жүректеріне тұнған, елдіктің еңсесін көтеруде, аудан мәдениетінің көркеюіне өз үлестерін қосып, еңбек етіп жүрген — мәдениет қызметкерлерін аудан әкімі мерекемен құттықтады.
Содан соң, бірқатар мәдениет қызметкерлері аудан әкімінің және «Нұр Отан» партиясы мен аудандық мәслихат хатшысының Құрмет, Алғыс хаттарымен марапатталды.
Сақтық шаралары ұстана отырып, мәдениет қызметкерлері өз өнерлерін ортаға салды.
