Димаш Құдайберген туған жерінде бейнебаян түсіреді. Өнер иесі Ақтөбеде жаңа бейнебаян түсіруге дайындық жұмыстарын жүргізіп жатыр. Түсірілім алдағы күндері басталады.
Сапар аясында Димаш өзі білім алған М.Құрманғалиева атындағы №32 мектеп-гимназиясы мен музыкант ретінде қалыптасуына негіз болған Ахмет Жұбанов атындағы музыкалық колледжіне барып, ұстаздарымен кездесті.
«Бүгін №32 мектеп-гимназиясына барып, мені тәрбиелеген ұстаздарыммен қауыштым. Уақыт өтеді, адам өседі, бірақ ұстазға деген құрмет пен мектепке деген сағыныш ешқашан өзгермейді», — деп жазды әнші желідегі парақшасында.
Фото: әлеуметтік желі
