Жамбыл облысы прокуратурасының үйлестіруімен облыс әкімдігінің дін істері басқармасы, облыстық Ұлттық қауіпсіздік комитеті департаменті және облыс бойынша Қылмыстық-атқару жүйесі департаментімен бірлесіп, Жамбыл облысына жұмыс сапарымен келген Қазақстан мұсылмандары діни басқармасы Бас мүфтиінің кеңесшісі Смаил Сүйерқұлұлы Сейтбеков пен басқарма өкілдерінің қатысуымен Тараз қаласындағы №59 қауіпсіздігі барынша жоғары түзеу мекемесінде жазасын өтеп жатқан сотталғандармен кездесу өткізілді.
Іс-шара барысында сотталғандарға дәстүрлі ислам құндылықтарын ұстанудың маңыздылығы, рухани-адамгершілік қасиеттерді дамыту және қоғамға қайта бейімделудің негізгі қағидаттары жөнінде түсіндіру жұмыстары жүргізілді.
Сонымен қатар, экстремизм мен терроризм идеологиясының қауіптілігі түсіндіріліп, дәстүрлі емес діни ағымдардың теріс ықпалынан сақ болуға шақырылды.
Жазаларды орындау заңдылығы мен сотталғандарды қайта әлеуметтендіру мәселелері Жамбыл облысы прокуратурасының тұрақты бақылауында.
Аталған бағыттағы профилактикалық және түсіндіру жұмыстары алдағы уақытта да жалғасатын болады.
Жамбыл облысының прокуратурасы
