Президент Қасым-Жомарт Тоқаев Жансая Әбдімәлікті Гибралтардағы Халықаралық Шахмат федерациясының (FIDE) Гран-при жүлдесін жеңіп алуымен құттықтады.
Бұл туралы Берік Уәли Facebook-парақшасында жазды.
«Мемлекет басшысы Жансая Әбдімәлікті ФИДЕ Гран-приіндегі тамаша жеңісімен құттықтады. Қасым-Жомарт Тоқаев бұл жеңістің баршамыз үшін зор мақтаныш екенін айтты.
Жансая – ерлер арасындағы гроссмейстер атағына қол жеткізген тұңғыш қазақстандық шахматшы қыз. Оның жетістігі елімізде осы спорттың дамуына тың серпін берері сөзсіз», — делінген жазбада.
