Алматы маңындағы ауылдардың бірінде оқушы 9 қабатты үйлердің арасына құлап, қаза болды,
Қайғылы оқиға 24 мамыр күні кешкі сағат 18:00-де Талғар ауданы Бесағаш ауылында болған. Куәгерлердің айтуынша, бала өзге балалармен үйдің төбесінде ойнап жүрген. Олар бір үйден екінші үйге өтіп жатқанда ғимараттар арасын жауып тұрған бөгет баланың салмағын көтере алмаған.
Алматы облысының төтенше жағдайлар департаментінің мәліметінше, 12 жастағы жеткіншек қаза болған.
«Үлкендердің қарауынсыз қалып, балалармен үйдің төбесінде ойнап жүргенде ол абайсызда сейсмотермошва аралығына құлап кеткен. Оның ені 60 сантиметр, ұзындығы 17 метр, биіктігі 27 метр. Бала оқиға орнында қаза тапты», — деді ведомствода.
Өңірлік ТЖД азаматтардан балаларды ересектердің қарауынсыз қалдырмауды сұрады.
