Жанар Айжанова әже атанды. Жақында әншінің немересі өмірге келді. Әнші бақыттан басы айналып жүргенін айтып, көпшілікке қуанышын жеткізді.
«Ораза айының соңғы жұмасында таңғы тоғызда Айжұлдызым аман-есен босанып, қолыма Назарымды ұстап, бақыттан басым айнылды. Содан бері үндемей жатқаным, қызым аяғынан тұрып өзіне келсін деп едім.
Мен инстаға көп шықпай қалсам, реніжеміңзер. Немеремнің исіне басым айналып, дүниенің бәрін ұмытып жатырмын. Күнде шомылдырам. Аяқ-қолын керіп жаттығу жасаймын. Бесігіне бөлеймін. Қалай таң атып, қалай батқанын да сезбей қалам. Арасында Айжұлдыздың қалжасын беріп сорпалатамын.
Ал ақ жаулықты әжелер, мені де қатарларыңызға қосыңыздар. Қош келдің, ботақаным. Жүрегім, тәттім – Назар немерем», – деп жазды Жанар Айжанова парақшасында.
