Италияның солтүстігінде Маджоре көлінің жанында жолаушылар арқан жолдан құлап кетіп, кем дегенде 14 адам қаза тапты.
Курорттық Стреза қаласынан Пьемонтедегі Моттарроне тауына бара жатқан арқан жол тік орманды беткейге құлады.
Тау құтқару қызметі өкілдерінің айтуынша, жарақат алған екі бала, бес және тоғыз жасар бала, тікұшақпен Туриндегі ауруханаға жіберілген. Кейін 9 жасар бала алған жарақаттарынан қайтыс болды. Екінші бала бірнеше жерінен жарақат алды, бірақ есін біледі. Дәрігерлер оған операция жасап жатыр.
Құтқарушылар құрбандар саны нақтыланып жатқанын және олардың көбеюі мүмкін екенін ескертеді. Апаттың нақты себебі әлі белгісіз, алайда куәгерлердің айтуынша, кабиналар бекітілген темір кабель таудың басына 300 метр қалғанда үзілген.
Стрезаны Моттарон тауымен байланыстыратын аспалы жол 20 минут ішінде жолаушыларды теңіз деңгейінен 1491 метр биіктікке шығарады. Салондар 40 жолаушыға арналған, бірақ әзірге олардың қаншасы құлағанын ешкім нақты білмейді.
Құтқару қызметіне дабыл жексенбі күні түсте келді. Апат орнына келген тау құтқарушылары жерде мыжылған кабинаны тапты. Ол шамамен 20 метр биіктіктен құлаған.
Италияның премьер-министрі Марио Драги апатты трагедия деп атады.
«Мен бүкіл үкіметтің атынан қаза тапқандардың отбасыларына көңіл айтамын және жарақат алған балалар мен олардың ата-аналарының қасындамын», — деді ол ресми хабарламада.
Бұл аспалы жол 1970 жылы ашылып, 2014-2016 жылдар аралығында құрылысын жаңарту үшін жабылған еді. Карантиндік шектеулер алынып тасталғаннан кейін аспады жол жақында ашылды.
