«AMANAT» партиясы Жамбыл облыстық филиалы жанындағы Отбасы және халықты әлеуметтік қорғау мәселелері жөніндегі аймақтық кеңесінің мүшелері Ж.Орынбаева мен А.Даулетбаева, сондай-ақ Жамбыл облысы әкімдігі жұмыспен қамтуды үйлестіру және әлеуметтік бағдарламалар басқармасының маманы Е.Байтелиева әлеуметтік қызмет көрсету ұйымдарының жұмыс сапасына зерделеу жұмыстарын жүргізді.
Атап айтқанда, №4 «Арнаулы әлеуметтік қызметтер ұсыну орталығы» КММ, «Жамбыл облыстық әлеуметтік оңалту орталығы» КММ, «Жамбыл облыстық арнаулы әлеуметтік қызметтер көрсету балалар орталығы» КММ және «Аутизмі бар балаларды қолдау орталығы» КММ мекемелерінің қызметі жан-жақты қаралды.
Зерделеу барысында мекемелердегі атқарылып жатқан жұмыстарға оң баға беріліп, мамандардың жауапкершілігі мен қызмет алушыларға деген қамқорлығы ерекше атап өтілді. Сонымен қатар, ғимараттардың материалдық-техникалық базасын нығайту, оңалту құралдарын жаңарту, мамандар санын арттыру және қызмет көрсету сапасын жетілдіру бағытында бірқатар ұсыныстар мен кемшіліктер айтылды. Кеңес мүшелері алдағы уақытта да әлеуметтік нысандардың жұмысын тұрақты бақылауда ұстап, халыққа көрсетілетін қызмет сапасын арттыру бағытындағы жұмыстар жалғасатынын жеткізді.