Қытайдың Шаньси провинциясындағы көмір шахтасында болған газ жарылысы салдарынан кемінде 82 адам қаза тапты. Тағы 9 адам із-түзсіз жоғалғандар қатарында қалып отыр. Қазіргі уақытта құтқару жұмыстары жалғасуда.
Қайғылы оқиға Чанчжи қаласындағы Liushenyu көмір шахтасында болған. Ресми мәліметке сәйкес, жарылыс кезінде жер астында 247 жұмысшы болған. Олардың бір бөлігі сыртқа шығарылғанымен, ондаған адам зардап шеккен.
Қытай билігі апатқа көмірқышқыл газы деңгейінің шамадан тыс көтерілуі себеп болуы мүмкін екенін мәлімдеді. Оқиғаға жауапты тұлғалар заң аясында бақылауға алынған.
ҚХР төрағасы Си Цзиньпин барлық күшті жұмылдырып, жоғалғандарды іздеу және зардап шеккендерге көмек көрсету жөнінде тапсырма берді. Сонымен қатар апаттың себептерін анықтау үшін арнайы тергеу басталды.
Шаньси провинциясы Қытайдағы ең ірі көмір өндіретін аймақтардың бірі саналады. Соңғы жылдары қауіпсіздік талаптары күшейтілгенімен, мұндай өндірістік апаттар әлі де жиі тіркеліп келеді.
Фото: Depositphotos
