Бүгін — Қазақстан халқының бірлігі күні. Бұл күнде ынтымақ пен бейбітшілік жарқын көрініс табады. Елімізде берекенің кілтін тауып, бір шаңырақ астында ғұмыр кешіп жүрген этнос өкілдері қиын қыстау кезеңдерде құшағын ашып, достықпен қол ұсынған қазақ халқына шексіз алғыстарын білдіріп жатады.
Осы орайда, бүгін аудан әкімі Сәкен Мамытов бастаған топ этнос өкілдерін мерекемен құттықтады. Сонымен қатар, аудандық мәслихат төрағасы Шаттық Мұсабеков, аудандық ардагерлер кеңесінің төрағасы Серік Аппазов, аудандық билер кеңесінің төрағасы Қалмырза Жандарбек, қалалық билер кеңесінің төрағасы Сағынбек Бегеев, аудандық қоғамдық кеңестің төрағасы Сахарап Қырғызбаев та ауданымыздағы этнос өкілдерінің шаңырақтарына барып, мерекеде сый-сияпат жасады.Құттықтау шарасы барысында аудандық ардагерлер кеңесінің төрағасы Серік Аппазов бірқатар ардагерлерге «Ауданның Құрметті ардагері» төсбелгілерін тапсырды.
