Бүгін аудан әкімі Сәкен Мамытовтың төрағалығымен әкімдік мәжілісі өтті. Күн тәртібіндегі мәселелер қаралмас бұрын аудан басшысы Сәкен Үмбетұлы үстіміздегі жылдың 15 наурызында өткен референдумға белсене атсалысқан бірқатар азаматтарға Мемлекет басшысы Қасым-Жомарт Тоқаевтың Алғыс хаттарын тапсырды.
Сонымен қатар, аудан әкімінің орынбасары Жұмат Сақыпбековке «Барыс» төсбелгісі тапсырылды.
Күн тәртібіндегі алғашқы мәселе бойынша «Жер қатынастары саласында атқарылған жұмыстары туралы» аудан әкімдігінің жер қатынастары бөлімінің басшысының міндетін уақытша атқарушы Нұржан Әжібеков баяндама жасады.
Күн тәртібіндегі екінші мәселе бойынша «Аудандағы спорттық нысандардың жай-күйі туралы» аудан әкімдігінің дене шынықтыру және спорт бөлімінің басшысы Нұржан Әйнеков есеп берді.
Күн тәртібіндегі барлық мәселелер толық қаралып, аудан әкімі Сәкен Үмбетұлы баяндамашылар мен жауапты тұлғаларға көтерілген мәселелер бойынша бірқатар тапсырмаларды жүктеді.