«AMANAT» партиясының Т.Рысқұлов аудандық филиалы Құлан ауылында дәстүрлі түрде өтетін «Таза бейсенбі» экологиялық акциясын ұйымдастырды. Игі бастама бұл жолы «Ардагерлер үйі» маңайында өтті.
Акция аясында партия мүшелері Жамбыл облысы, Т.Рысқұлов ауданындағы «Ардагерлер» саябағы ауласын қоқыстан тазартып, жиналған қоқыстарды шығарып, саябақты ретке келтірді. Сонымен қатар, көпшілік жүріп-тұратын жолдарын тазалап берді. Бұл акция ауданн тұрғындарының күнделікті тұрмысына айтарлықтай жеңілдік әкелді. Тазалық шарасына «AMANAT» партиясының аудандық мүшелері, «Жастар Рухы» жастар қанатының белсенділері мен партия қызметкерлері белсене қатысып, қоршаған ортаны абаттандыруға өз үлестерін қосты. Акция барысында қатысушылар аула тазалаумен қатар, тұрғындармен тілдесіп, ізгі ниет пен қамқорлықтың маңызын көрсетті. Айта кетейік, «Таза бейсенбі» экологиялық акциясы аудан көлемінде тұрақты түрде өткізіліп, елді мекендердің санитарлық жағдайын жақсартуға және тұрғындар арасында тазалық мәдениетін қалыптастыруға бағытталған.