«Қазақстан темір жолы» ҰК» АҚ баспасөз қызметінің хабарлауынша, қолайсыз ауа райына байланысты Қандыағаш — Ақтөбе учаскесіндегі тасжолдар жабылып, 540 жолаушы жедел түрде пойызбен тасымалданған.
Жолаушыларды тасымалдау өңірдегі келесі станциялардан ұйымдастырылды:
Қандыағаш станциясынан 139 жолаушы №613 «Маңғыстау — Орал» пойызымен Ақтөбе станциясына дейін; Алға станциясынан 122 жолаушы; 50 жолаушы №613 «Маңғыстау — Орал» пойызымен Ақтөбе станциясына дейін; 72 жолаушы №109 «Маңғыстау — Ақтөбе» пойызымен Ақтөбе станциясына дейін; Ақтөбе станциясынан 279 жолаушы №110 «Ақтөбе — Маңғыстау» пойызымен Бестамақ, Алға, Тамды, Қандыағаш және Шұбарқұдық станцияларына дейін жеткізілген.«Тасымалдау мүмкіндігін арттыру мақсатында №110/109 «Ақтөбе — Маңғыстау» пойызының құрамына қосымша плацкарт вагоны тіркелді»,- делінген хабарламада.
