Білім беру ұйымдары – мектептер мен балабақшаларда тосыннан тексеру басталады. Негізгі назар балалардың қауіпсіздігіне, тамақтануына және санитарлық талаптарға аударылады.
Өрт қауіпсіздігі – жаңа нысандарды пайдалануға беру талаптары қатаңдайды. Адамдар көп жиналатын және биік ғимараттар өрт қауіпсіздігі қорытындысынсыз іске қосылмайды.
Ұлттық қор – балаларға – балалардың жеке есепшоттарына қаражат аударыла бастайды. Бұл қаражат болашақта білім алу мен тұрғын үйге жұмсалуы мүмкін.
Мемлекеттік сатып алу – ҚҚС үшін цифрлық теңге пилоттық режимде қолданылады. Жаңа жүйе қаржы қозғалысының ашықтығын арттырып, салықты бақылауды жеңілдетеді.
Азаматтық алу – ҚР азаматтығына үміткерлер қазақ тілі, Конституция негіздері және Қазақстан тарихы бойынша тест тапсырады. Тестілеу ақпан айында өткізіледі.
Сыра өнімдері – бөтелке мен бөшкедегі сыраға міндетті таңбалау енгізіледі. Бұл контрафакт өнімдермен күресуге және тұтынушыларды қорғауға бағытталған.
ЕАЭО жүк тасымалы – тауар қозғалысы навигациялық пломбалар арқылы онлайн бақыланады. Жаңа тәсіл транзиттегі ашықтықты арттырады.
Ораза айы – 19 ақпанда басталып, 19 наурызға дейін жалғасады. Қадір түні наурыз айының ортасына сәйкес келеді.
Қысқы Олимпиада – 6–22 ақпан аралығында Италияда өтеді. Қазақстан атынан 36 спортшы ел намысын қорғайды.