Ақмола облысының Жаңаесіл ауылындағы Индустриялық технологиялар және сервис колледжі FASEP бағдарламасы аясында ауқымды халықаралық ынтымақтастықты қолға алды. Колледждің серіктесі — ауыл шаруашылығы саласындағы Францияның жетекші оқу орындарының бірі Agricampus Castelnaudary.
Еуропалық оқу орындарымен тәжірибе алмасу заманауи білім беру технологияларын енгізуге және бәсекеге қабілетті мамандар даярлауда жаңа мүмкіндіктер ашады. Ынтымақтастық аясында еуропалық озық оқыту әдістемелерін енгізу, агроөнеркәсіптік кешенді цифрландыру мен автоматтандыру саласында тәжірибе алмасу, сондай-ақ оқытушылардың, өндірістік оқыту шеберлерінің және студенттердің біліктілігін арттыру көзделген.
FASEP бағдарламасы колледжге даму үшін жаңа мүмкіндіктер ашып, озық технологияларға қол жеткізуге және студенттердің әлемдік кәсіби қауымдастыққа интеграциялануына жағдай жасайды. Бұл -кәсіби білім беруді жаңғырту мен Қазақстанның аграрлық саласының кадрлық әлеуетін дамыту жолындағы маңызды қадам.
Айта кету керек, 2025 жылы елімізде техникалық және кәсіптік білім беру саласындағы халықаралық ынтымақтастық аясында 170 меморандумға қол қойылды.ҚР Оқу-ағарту министрлігі
