Жамбыл ауданының Еңбек ауылында 2017 жылдары іске қосылған «АCA DAMU» жауапкершілігі шектеулі серіктестігінің құс фабрикасы өзінің өндірістік қуатын ың жоғары екенін сол кезде-ақ байқатқан. Жобалық қуаты 1,8 миллиард теңгені құраған аталған құс фабрикасы жылына 280 тонна тауық етін өндіретін әлеуетіміне жамбылдық жұртшылықты таңдай қақтырғаны есте. Сол кезде құны 914 миллион теңгені құрайтын жұмыртқа өнімдерін өндіру жобасы үдемелі индустриялық-инновациялық даму бағдарламасы аясында жүзеге асырылып, бүгінде аталған серіктестік өндірген құс жұмыртқасы өнімі өнімі өңір нарығына жол тартып, түрлі сауда орталығының сөрелеріннен орын тепті. «АCA DAMU» ә дегенде ресейлік және еуропалық заманауи қондырғыларды қолдана отырып, голланд тұқымды 90 мың тауықтың өнімімен өңірлік нарыққа дендеп енген болатын. Күніне 75 мың жұмыртқа шығаруып отырған құс фабрикасы арада жылдар өте келе күніне 210 мың жұмыртқа өндірерлік әлеуетке ие болғанды. Сол кезде 40-қа жуық жергілікті азаматты тұрақты жұмыспен қамтыған кәсіпорында бүгінде жұмысшы саны да, жұмыс ауқымы да ұлғая түсті. Соның арқасында Фабрика өнімдері өз өңірімізден бөлек, Алматы облысы тұрғындарының сұранысын қанағаттандыруға өз үлесін қосты. Одан кейін Иран мен Ауғанстан елдеріне құс еті мен жұмыртқа экспорттала бастады.
Осы тектес жұмыртқа өндіретін жеке шаруашылықтардың жылдық жұмыртқа өндіру көрсеткіші осыдан біршама жыл бұрын 110 миллионнан астам данаға жетсе, соның едәуір бөлігі аталған кәсіпорын тарапынан орындалып отырғаны әрине мақтаныш. Дәл қазір аталған кәсіпорын тәулігіне 216 мың жұмыртқа өндіретін жағдайға қол жеткізуге ниетті. Бұл сөз жоқ аталған серіктестік директоры Үсен Құрманбековтің табанды еңбегі мен нарықты болжай білу және бизнес саласындағы сауатының жоғары болуының арқасы. Сонымен қатар мұндай жетістікке жетуіне «АCA DAMU» жауапкершілігі шектеулі серіктестігінің төртінші корпусының құрылыс жұмыстарын қолға алынуы мүмкіндік бермек. Қазір 8,3 гектар алқапқа салынған жаңа нысанның шатыры жабылып, қажетті құрал-жабдықтары испаниялық «Зуками» компаниясынан жеткізіліпті. Үсен Құрманбековтің айтуынша, құрылысқа 200 миллион теңге жұмсалған екен.
Қазан айының соңына дейін аталған ғимараттың жұмысын аяқтасақ, қосымша 82 мың құс әкелеміз. Осы уақытқа дейін мұнда тәулігіне 144 мың жұмыртқа жиналса, енді 216 мың жұмыртқа шығарылатын болады. Жобамен бір күнде тауықтың күтіп-баптауына 40 тонна жемшөп кетеді. 3 адам тұрақты жұмыспен қамтылады», – деді ол.
Жалпы бұл кәсіпорын «Бизнестің жол картасы» бағдарламасы бойынша 250 миллион теңге несие алған, бұл қаржы кәсіпкерліктің өндірстегі өрісінің кеңеюіне түрткі болған көрінеді.
