Жамбылда 13 адамнан құралған альпинистік топ Қырғыз Алатауының батысында орналасқан биіктігі 3700 мертді құрайтын «Шал тауы» маңындағы шыңды бағындырып, Тәуелсіздіктің 30 жылдығына орай «Тәуелсіздік шыңы» деген атау берді.
Айта кетейік тамыз айының 28 мен 1 қыркүйегі аралығында Жамбыл ауданының «Жастар ресурстық орталығы» КММ-нің ұйымдастырумен Жамбыл облысы альпинизим федерациясының, «Геккон» спорттық-туристік клубының қолдауымен ҚР Тәуелсіздігінің 30 жылдығына орай, «Тәуелсіздік шыңы» атты спорттық-туристік альпиниядасы өтті.
29-30 тамыз күндері аралығында шыңға шығуға бекінген 5 ерікті азаматқа қауіпсіздік ережелері түсіндіріліп, таңғы сағат 7:30-да «Шал» шыңын бағындыруға жолға шықты. Сол күннің сағат 14.30-дар шамасында альпинистік топ толығымен «Шал тауының» шыңын бағындырып, белгіленген межеге жетті.
Альпинияда мақсаты – елімізде туризімдік саланы дамыту, жастар арасында салауатты өмір салтын қалыптастыру, отансүйгіштіке және достық қарым-қатынасты нығайту болды.
Альпинияда соңында шыңды бағындыруға қатысқан 5 жасқа «Қазақстан Республикасының альпенисті» төсбелгісі табысталды.
Жалпы, облыс туризмнің ішкі және де халықаралық дамуы үшін көптеген мүмкіндіктері бар. Ол арқылы Ұлы Жібек жолының телімі өтті: Сайрам-Тараз-Ақшолақ ауылдары, Ақыртөбе — Құлан — Мерке — Шу — Аспара — Кордай бекеттері өтті, жолай тарихи және мәдени ең қызықты, әрі көне ескерткіштер орналасқан.
Тараз қаласы арқылы — VII — VIII ғасырдағы Жібек жолы трассасы бойынша көне және ең ірі сауда-әкімшілік орталығы болғаны туралы, б.э.д. 568 жылы жазба бастауларында ақпараттар пайда болған. Сонымен бірге қала аумағында көне архитектуралық сәулет ескерткіштері «Айша-бибі» және «Бабаджа-Хатун» б.э.д. X — XI ғғ, «Қарахан» және «Дәуітбек» б.э.д. X — XIII ғғ және т.б. кесенелері орналасқан.
Облыс мемлекеттік «Жібек жолының тарихи орталықтарын қайта жаңғырту, түркітілдес мемлекеттердің мәдени мұраларын сақтау және сабақтаса даму, туризмнің инфрақұрылымын құру» деген бағдарламаға қосылған.
