Партия Талас аудандық филиалының төрағасы, аудан әкімі Мәдібек Қанатбек Қайшыбекұлы аудандық филиалға қарасты «Ойық» бастауыш партия ұйымында азаматтарға арналған жеке қабылдауын өткізді. Ойық ауылының тұрғындары қоғамдық қабылдау барысында ішкі көшелердің жөнделуі, Ойық көлін тазарту, шабындық жер, көше жарықтарын орналастыру сынды өтініштерін жеткізді. Әрбір тұрғынның жеке мәселесін тыңдаған аудан басшысы тиісті заңдылықтарға сәйкес жауап берді.
