Өңірде денсаулық сақтау саласының материалдық-техникалық базасын нығайтып, медициналық қызметтің жоғары сапасына қол жеткізуде мемлекеттік-жекешелік әріптестік жобаларының мүмкіндігін молынан кәдеге жарап келеді.
2017 жылдан бері мемлекеттік-жекешелік әріптестік аясында 33 жобаға келісім-шарт жасалды. Нәтижесінде 29 ауылдық елді мекенде бастапқы медициналық көмек көрсету ұйымдары ашылып, ел игілігіне айналды. Жоба арқылы 2018 жылы Тараз қалалық аурухана ангиографпен ал Шу қалалық және Қордай,Талас аудандық ауруханалар компьютерлік тамографпен қамтамасыз етілді.
4 жыл ішінде салаға тартылған инвестиция көлемі 2 миллиард 370 миллион теңгеге жетеді.
— Қазіргі таңда облыс әкімдігінің денсаулық сақтау басқармасы кәсіпкерлерге өткен жылғы компенсациялық инвестициялық шығындарды өтеу бойынша борышкерлік шығынды өтеу бойынша міндеттеме алды. Шығын көлемі 90 миллион теңгеге тең.
Бүгінде жоба арқылы Тараз қалалық ауруханасына алынған ангиограф және Шу қалалық ауруханадағы компьютерлік томограф жабдығы халыққа қалтқысыз қызмет көрсетіп жатыр. Ал Қордай және Талас аудандық ауруханаларын компьютерлік тамографпен қамтамасыз ету бойынша келісім-шарттағы міндеттемелерін іске асырылуда. Таяу арада бұл жабдықтар аталаған аудан тұрғындарына қызмет көрсетуді бастайды, — дейді облыс әкімдігінің экономика және бюджетті жоспарлау басқармасы басшысының орынбасары Надира Жолдасбекова.
Жалпы Жамбыл облысында 2017 жылдан бері мемлекеттік-жекешелік әріптестік жобалары аясында 70 жоба іске асырылған. Салаларға тартылған инвестицияның көлемі 8 миллиард 600 миллион теңгеге тең. Мемлекеттік-жекешелік әріптестік жобалары арқылы әсіресе әлеуметтік саласын дамытуға тың серпін беруде. Жаңашыл бастаманың тиімділігін бір ғана медицина саласының өзінде денсаулық сақтау ұйымдарының материалдық-техникалық базасы жетілдірілді. Сол арқылы халыққа сапалы медицианлық қызмет көрсетіп, емдеу ісінде жоғары тіимділікке ие заманауи құрал-жабдықтар қолданыла бастады.
Денсаулық мәселесі күн тәртібіне қойылған қазіргі сәтте оны қаржыландыру шығындарын өтеуге қазына қаржысымен бірге жеке инвестицияны тарту ауадай қажет. Бұл бастама салаға серпін берумен бірге шағын және орта кәсіпкерліктің кең өрістеуіне мүмкіндік сыйлайды. Ең бастысы денсаулық сақтау жүйесінде бәсекелестік пайда болып, медициналық қызмет көрсетудің сапасы артады.
