Шымкентте дауыл салдарынан он шақты ғимараттың шатыры ұшты.
«Қазгидрометтің» мәліметінше, Шымкентте 6 маусым күні сағат 18.25-18.36 аралығында желдің жылдамдығы 15-28 м/с-ке жетті. Дауыл салдарынан бірнеше көпқабатты тұрғын үйдің шатыры ұшты.
«Байтұрсынов көшесіндегі 5 қабатты үйдің шатырының 40 шаршы метрі ұшып, Қонаев даңғылындағы үйдің ауласында тұрған Тoyota Corolla маркалы автокөлігін басып қалды», – дейді құтқарушылар.
Сондай-ақ «Солтүстік» ықшамаудандағы 52-үйдің шатыры да желге ұшқан. Оқиға орнында төтенше жағдайлар қызметінің 2 техникасы мен 8 қызметкері апаттан келген зардапты жойып жатыр.
Дауылдан қаза тапқандар мен зардап шеккендер жоқ.
aikyn.kz
