2022 жылы Н.Назарбаев халықаралық әуежайының ұшу-қону жолағы жаңартылады.
Бұл туралы Н.Назарбаев халықаралық әуежайының атқарушы директоры Дәулет Хамзин айтты.
«Келесі жылы ұшу-қону жолағын жаңартуды жоспарлап отырмыз. Қазіргі уақытта жобалық-сметалық құжаттамасын әзірлеуге келісімшарт жасаймыз. Жөндеу жұмыстарының форматы, сонымен қатар жөндеу жұмыстарының мерзімі және қажет болатын қаржы сомасы жобалық-сметалық құжаттаманы әзірлеу процесінде нақтылады», – деді ол.
Сонымен қатар алдағы уақытта екінші ұшу-қону жолағын салу да нақтыланады.
