Шымкентте 23 жастағы бойжеткен коронавирустан көз жұмды. Оның артында кішкентай баласы қалған
Қаланың қоғамдық денсаулық сақтау басқармасының басшысы Бақытжан Позиловтың сөзінше, қазіргі күні вирус мутацияланып, жастарға қауіп төндіруде.
«Екі ай ішінде коронавирус жастарға жиі жұғатын болды. Аурудың ең жас құрбаны 23 жаста, тағы бір 41 жастағы науқас та кеселден көз жұмды», — дейді басқарма басшысы.
Сөзінше, бүгінде Шымкенттің инфекциялық ауруханаларындағы орындардың жартысы толған. Өткен тәулікте 109 адам ауру жұқтырып, 52-сі емханаға жатқызылған.
Бұған қоса, ол 167 370 адам вакцинаның бірінші дозасын, 69 905 адам екінші компонентін салғызғанын атап өтті. Айтуынша, тұрғындардың көп бөлігі отандық вакцинаны таңдауда екен.
