Жер-жаһанды жаулаған жаман індеттің беті қайтпағанына қарамастан, олбыс аудандарында барлық салалардағы жұмыс қарқынын арттыруға баса назар аударылған. Нәтижесінде, өткен жылы қол жеткізген көрсеткіштерді жоғарылатуға ден қойылып отыр.
Аталған бағытта қарқынды еңбек етіп жатқан аудандардың бірі – Шу. Ресми мәліметтер бойынша, биылғы қаңтар-сәуір айларының қорытындысымен Шу ауданының әлеуметтік-экономикалық көрсеткіштерінде оң динамика қалыптасқан. Негізгі капиталға тартылған инвестиция көлемі 136,1 пайызға артқан. Сондай-ақ өнеркәсіп саласында өндірілген өнім көлемі 102,3 пайызға, ауыл шаруашылығы саласының өнімі 103,8 пайызға өскен. Құрылыс жұмыстары 103,2 пайызға өсіп, пайдалануға берілген тұрғын үй көлемі 104,8 пайызға, қаржы игеру көрсеткіші 99,9 пайызға орындалыпты. Төрт айдың қорытындысы бойынша ауданда 18,3 миллиард теңгенің өнімі өндірілген.
Бұдан бөлек, биылдыққа ауданға барлық мемлекеттік бағдарламалар шеңберінде 9,1 миллиард теңге қаражат бөлініп, 43 жобаны іске асыру жоспарланып отыр. Жобаларды іске асыру арқылы 1,5 мың жұмыс орыны ашылады деп күтілуде.
