Қазақстанға Қырғызстаннан құтыру ауруына шалдыққан малдың еті әкелінгені рас па?
Қырғызстандағы қолайсыз жағдайға байланысты бұл елден ет өнімдерін әкелуге шектеу енгізілген
Аудиожазбада ер адам Қырғызстаннан елімізге құтыру ауруына шалдыққан малдың еті әкелініп жатқанын айтқан.
Қазақстанның ауыл шаруашылығы министрлігі мұның жалған екенін мәлімдеді.
«Бұл ақпарат шындыққа сәйкес келмейді, өйткені Қырғызстаннан ет өнімдерін әкелуге шектеу енгізілген. Бұл шара осы республикадағы жануарлардың қауіпті аурулары бойынша қолайсыз жағдайға байланысты қабылданды», – делінген ведомство жауабында.
Министрлік етті контрабандалық жолмен әкелу фактісі расталған жағдайда, қазақ-қырғыз шекарасында бақылауды күшейту шаралары қабылданатынын атап өтті.
