Адам құқықтары жөніндегі Уәкілдің Жамбыл облысы бойынша өкілі Еркін Қуанышев Жамбыл облысы бойынша ҚАЖД №67 мекемесіне арнайы келіп, тергеудегі және сотталған азаматтарды жеке қабылдады.
Қабылдау барысында тергеудегі және сотталған азаматтар өздерінің жеке мәселелері бойынша сұрақтарын қойып, тиісті құқықтық түсіндірмелер алды. Көтерілген мәселелер әрбір азаматпен жеке қаралып, заңнама талаптарына сәйкес жан-жақты түсіндіру жұмыстары жүргізілді.
Өкіл тарапынан азаматтардың өтініштері мұқият тыңдалып, олардың заңды құқықтары мен мүдделерін қамтамасыз ету бағытында тиісті ұсыныстар мен түсіндірмелер берілді.
Аталған қабылдау тергеудегі азаматтардың құқықтарын қорғау, олардың заңды мүдделерін қамтамасыз ету және құқықтық сауаттылығын арттыру мақсатында ұйымдастырылды.
Мұндай іс-шаралар құқық қорғау жүйесінің ашықтығын арттырып, азаматтар мен мемлекеттік органдар арасындағы өзара сенімді нығайтуға ықпал етеді.
